Share 甜品篇之 ~《一口千層芝麻糕》(附食譜)~^3^~ 哈哈哈~又話千層芝麻糕嘅~? 點解睇來睇去，都只係睇到ｄ直紋嘅~!? 嗯嗯嗯~比多張相你睇，冇花冇假，真係有好多層o家~ 今次做咗八層，要我搣番開佢嚟影相，真係有少少難度，因為佢 哋已經到咗難捨難離嘅地步，好鬼痴纏呢~ 哈哈~其實瑪姬靚太比個芝麻糕食譜過我，都已經成年有多喇~只怪我呢個『拖延』怪獸，hea到今日先整呢~ 個譜嘅份量好得，不過唔知係咪我用咗Miele蒸爐嚟蒸，所以蒸嘅時間上有差異呢~? 靚太食譜話每層蒸三分鐘，但用Miele蒸爐就要蒸多一倍時間(六分鐘)，哈~!我都唔理咁多lu~ 總之蒸到成型就再加芝麻漿再蒸啦~ 嘿嘿嘿~其實我都係第一次整芝麻糕咋~ 係咪覺得奇怪，點解好多時我第一次整嘅食譜就會成功? 咪因為我會睇定ｄ先整囉~ 何謂睇定ｄ?? 哈哈哈~咪就係上網+睇食譜書，跟住搵一個覺得合乎邏輯嘅食譜，我先開工整呢~ 為求一擊即中，我會寧缺勿濫，如果未有把握嘅，我唔會為求分享而製作新食譜，我都希望大家可以做到成功嘅製成品，而唔係一日到黑見到我係寫失敗篇吧~(哈哈哈~講到好有道理咁，實情係『懶』就真~ Wakakakakaaaaaa~) 《芝麻糕食譜》食譜參考瑪姬靚太 材料 :- 黑芝蔴 100g(用日本黑芝麻會更香啊~) 水 600g 馬碲粉 65g 粘米粉 15g 糖 170g (我覺得略甜，可以減番少少糖) 油 1/2tbsp 做法 :- (瑪姬靚太原譜係蒸3分鐘，但我用Miele蒸爐，所以改咗蒸6分鐘，大家可根據每層芝麻糕嘅凝結程度而自行調較蒸嘅時間啊~) 1.芝蔴洗淨，隔去水分，以白鑊炒香，將480g清水分次與芝蔴同置攪拌機中，攪成芝蔴漿 2.將芝蔴漿 & 糖同放入煲中，以慢火將糖煮溶，隔渣，待凉 3.馬碲粉及粘米粉用120g水調勻，過篩後加油 4.將(2) + (3) 混合拌勻，倒入已塗油的盤中，約1/2cm厚，大火蒸約6 mins至凝固 5.打開鑊蓋，再傾入第二層，再蒸6 mins，重複至所有芝蔴漿蒸完之後，再蒸多20mins即可 6.離火後攤凍，脫模後切件即可 Tips : - 每次傾入芝蔴漿前必須先調勻，才倒進糕盤內... (我已關閉網誌留言欄，歡迎大家到我的專頁內留言~^0^~) (我在Facebook開了專頁，方便大家留言，歡迎大家加入閒 話家常啊~) 何師奶 ~《全職"煮"婦生活逸事 烹飪分享》 我的微博，請多多關照(注) Haha~