Barneforklede! Eg synest forkleda i blomsterstoff blei friske og fine, medan fireåringen i huset straks la sin elsk på Cars-forkledet. Vil du også lage? Sjå lenger ned i innlegget :-) Slik lagar du eit slikt forkle (str. 3-6 år++): Teikn mønster for halvt forkle ved å fyrst teikne to rektanglar inntil kvarandre slik skissa under viser. Deretter teiknar du inn kurver på mønsterarket. Legg eventuelt til kant til å brette ned om du vil ha dét i staden for skråband på toppen. Sy: Sy på skråband (bias tape) i rekkjefylgja som skissa viser (Klikk på biletet for å forstørre). Sjølv likar eg at ein kan ha forkleet nokså langt oppe på brystet, for då kan ein bruke forkleet som smekke også. Eg har derfor sett knapp (punkt nr. 5) på både etter ca 35 cm og ca 40-45 cm. Om ein vil ha ein enklare variant, kan ein naturlegvis la skråbandet gå i eitt frå eine sida, bak nakken og ned andre sida, berre pass på at det blir plass nok for hovudet å kome gjennom! På desse forklea har eg brukt KAM-knappar (1 1/2 knapp). EDIT nov. 2013: Like greitt å kutte ut knappane og sy “blå nr 3” og “grønn nr 4” i eitt. Om ein lar hals-skråbandet vere ca 40 cm, og plussar på dei oppunder 18 centimetrane øvst på forkledet, blir opninga for hovudet oppunder 58 cm. Dette skulle gå greitt å tre over eit barnehovud. Ha det fint på kjøkkenet saman med barna! Materiale: Blomsterstoff i kraftig bomull frå IKEA. Cars-stoff (trykt bomull) frå Jysk. KAM-knappar str. 20 (eg har berre str. 20). Skråband frå Stoff og Stil.