Lehen Mundu Gerra. U-boot alemaniarrek Britainia Handiaren inguruan blokeo zorrotza ezarri dute. Zeharo arriskutsua da bertako uretan nabigatzea eta oso zaila minak eta urpekoak saihestea. Germaniar itsaspeko beldurgarriek gerra hasi zenetik makina bat ontzi hondoratu dizkieten arren, Bizkaiko ontzi-konpainien jabeek euren ontziak britainiar uharteetara bidaltzen dituzte behin eta berriro, horrek ekartzen dizkien onura ekonomiko handiengatik.
